Maraqlı

Məhkəmədə qalib gəlsə də, 10 min dollar itirdi

23 Dekabr 2021 12:48
0 Şərh     Baxış: 840
VTB-də minimal faiz dərəcəsi ilə nağd kredit 9.9%-dən
#TƏYYARƏ

Təyyarədə çamadanın başına düşməsinə görə xəsarət alan sərnişin aviaşirkətin təklifini qəbul etmədiyi və məhkəməyə müraciət etdiyi üçün peşman olub.

Milli.Az oxu.az-a istinadən xəbər verir ki, hadisə "Emirates" aviaşirkətinin Dublin - Dubay təyyarəsində qeydə alınıb.

Uçuş zamanı Stiven Bredşounun başına təsadüfən içi boş uşaq çamadanı düşüb. Uşağın atası üzrxahlıq edib, sərnişin isə hər şeyin qaydasında olduğunu deyib. Lakin Bredşou səhəri gün baş ağrılarının başlaması səbəbindən işə gedə bilmədiyini iddia edib.

Hadisədən üç həftə sonra zərərçəkmiş hava yollarına şikayət edib. Cavab olaraq "Emirates" ona 15 min dollar (25,5 min manat) məbləğində təzminat təklif edib. Lakin sərnişin bunu rədd edərək, daha çox almaq ümidi ilə məhkəməyə müraciət edib.

Hakim isə Bredşounun bəzi ifadələri şişirtdiyi qənaətinə gələrək, ilkin məbləğdən üç dəfə az - 5000 dollar (8,5 min manat) təzminat barədə qərar verib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.