Hadisə

Bakıda avtobus sürücülərindən kobud qayda pozuntusu - Tədbir görüləcəkmi? - VİDEO

15 Sentyabr 2021 13:00
0 Şərh     Baxış: 1 093

Bakıda sərnişinlərin və digər hərəkət iştrakçılarının həyatını heçə sayan iki avtobus sürücüsü qaydaları kobud şəkildə pozublar.

Milli.Az Xəzər TV-yə istinadən bildirir ki, onların kobud qayda pozuntusu ''təhlükəsiz şəhər'' kameralarına paytaxtın Yusif Səfərov küçəsində düşüb.

''Baku Bus'' MMC-yə məxsus avtobuslar yol hərəkəti qaydalarını kobud şəkildə pozaraq qəza şəraiti yaradıb. İki avtobus sürücüsü düz xətti tapdalayaraq hərəkətdə olan digər avtomobillər üçün təhlükə yaradıb.

Bakı Şəhər Dövlət Yol Polisi İdarəsinin əməkdaşı Araz Əsgərli deyir ki, hər iki sürücü kobud qayda pozub. Onlarla bağlı idarədə araşdırma aparılır. Aşkar edilən kimi hər iki sürücü  inzibati qaydada 40 manat məbləğində cərimə olunacaqlar.

Hər gün yüzlərlə sərnişin daşıyan, intizamsız sürücülərlə bağlı Bakı Nəliyyat Agentliyində hər hansı bir tədbir görülür?

Qurumun mətbuat xidmətinin rəhbəri Mais Ağayev deyir ki, yol hərəkəti qaydalarının bu formada pozulması qəbuledilməzdir.

''Bütün bunlar həm də ümumilikdə sürücülərin peşəkarlığı ilə bağlı məsələdir. Bakı Nəliyyat Agentliyi öz səlahiyyətləri çərçivəsində avtobus sürücülərini peşə təlimlərinə cəlb edir. Amma ümumilikdə sürücülərin peşəkarlığının artırılması istiqamətində müvafiq qurumların da nəzarəti gücləndirilməlidir'',-deyə Mais Ağayev qeyd edib.

Mövzu ilə bağlı daha ətraflı videomaterialı təqdim edirik:

Milli.Az

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.