Hadisə

İşçilərlə müqavilə bağlamayan şirkət 20 min manat cərimələndi

11 İyun 2021 16:22

Baxış: 821

VTB-də minimal faiz dərəcəsi ilə nağd kredit 9.9%-dən

"Arzulu firması" ASC tərəfindən Azərbaycan Respublikası əmək qanunvericiliyinin tələblərinin pozularaq qanunla nəzərdə tutulmuş qaydada əmək müqaviləsi bağlanmadan müxtəlif şəxslərin işlərin görülməsinə cəlb edilməsi faktına dair Qazax rayon prokurorluğunda aparılmış yoxlama nəticəsində İnzibati Xətalar Məcəlləsinin 192.1-ci (əmək qanunvericiliyinin pozulması) maddəsi ilə inzibati xəta haqqında iş üzrə icraat başlanıb.

Qazax rayon prokurorluğundan Milli.Az-a verilən məlumata görə, toplanmış materiallar baxılması üçün aidiyyəti üzrə rayon məhkəməsinə göndərilmiş və məhkəmənin 2021-ci il 10 iyun tarixli qərarı ilə "Arzulu firması" ASC-yə 20 min manat məbləğində inzibati cərimə növündə tənbeh tətbiq edilib.

Milli.Az