Hadisə

Gürcüstandan gələn avtobusda qadağan olunmuş dərman preparatı tapıldı

16 Yanvar 2020 18:59

0 Şərh Baxış: 727

VTB-də minimal faiz dərəcəsi ilə nağd kredit 9.9%-dən

#HADİSƏ #GÖMRÜK

Qərb Ərazi Baş Gömrük İdarəsinin "Qırmızı Körpü" gömrük postunda Gürcüstandan gələn "Mercedes Benz" markalı sərnişin avtobusu saxlanılıb və sürücü şifahi sorğu-sual olunub.

Dövlət Gömrük Komitəsinin (DGK) mətbuat xidmıtindən Milli.Az-a verilən məlumata əsasən, sürücü idarə etdiyi nəqliyyat vasitəsində gömrük nəzarətindən gizlədilən və bəyan edilməyən hər hansı predmetin olmadığını bildirsə də, nəqliyyat vasitəsi rentgen qurğusundan keçirilərkən şübhəli təsvirlər müşahidə olunub.

Avtomobilə gömrük baxışı zamanı nəqliyyat vasitəsinin salonunda oturacaqların alt hissəsində 350 ədəd üzərində "Deposilin Pensilin G Benzatin" yazılan dərman preparatı aşkarlanıb.

Faktla bağlı araşdırma aparılır.

Qeyd edək ki, bu dərman preparatı Azərbaycan Səhiyyə Nazirliyi tərəfindən dövriyyəsi qadağan olunmuş dərmanların siyahısındadır.

Milli.Az