Hadisə

Məktəbliləri daşıyan mikroavtobus qəzaya düşdü, yaralılar var - YENİLƏNİB - FOTO

12 Oktyabr 2015 21:17

2 Şərh Baxış: 3 450

VTB-də minimal faiz dərəcəsi ilə nağd kredit 9.9%-dən

#HADİSƏ #QƏZA

21:17

Ağdam rayonu ərazisində məktəbliləri daşıyan 02 BK 273 dövlət nömrə nişanlı "RAF" markalı mikroavtobus qəza törədib.

Milli.Az APA-ya istinadən bildirir ki, hadisə rayonun İmamqulubəyli kəndi ərazisində baş verib.

Sərnişin daşıyan mikroavtobusda Ağdam Olimpiya Kompleksində məşqdən çıxan yeniyetmə idmançılar olub.

Yaralılar, 2002-ci il təvəllüdlü, Fərəcov Eltac Seymur oğlu, 1999-cu il təvəllüdlü Məhərrəmov Ruslan Füzuli oğlu, 2005-ci il təvəllüdlü, Əsgərov Sahib Ramil oğlu, 1998-ci il təvəllüdlü Kərimli Kərim Ramiz oğlu müxtəlif bədən xəsarəti ilə Ağdam Mərkəzi Rayon Xəstəxanasına yerləşdirilib. Yaralılardan biri Bərdə Mərkəzi rayon Xəstəxanasına aparılıb.

Yeniyetmə idmançıları daşıyan "RAF" markalı avtomobilin sürücüsünün adı Şahbaz olduğu və uşaqların məşqçi müəllimləri olduğu bildirilir.

Faktla bağlı Ağdam rayon Polis Şöbəsi və Dövlət Yol Polis İdarəsinin əməkdaşları araşdırma aparır.

---------

20:40

Ağdam rayonu ərazisində xəsarətlə nəticələnən yol-nəqliyyat hadisəsi baş verib.

APA-nın məlumatına görə, insident Ağdamın İmamqulubəyli kəndində qeydə alınıb.

Məktəbliləri daşıyan "RAF" markalı mikroavtobus yoldan çıxaraq səkiyə çırpılıb, sonra isə "Lada Priora" markalı minik avtomobili ilə toqquşub.

Hadisə nəticəsində xəsarət alanların olduğu bildirilir. Hadisənin təfərrüatları müəyyənləşdirilir.

Milli.Az