Hadisə

Bakıda toydan qayıdan sürücü qəza törətdi, "Porsche"ni qoyub qaçdı - FOTO

23 Aprel 2015 09:20

0 Şərh Baxış: 2 586

#POPULYAR XƏBƏRLƏR #FOTOREPORTAJLAR #HADİSƏ #QƏZA #PORSCHE AUTOMOBİL HOLDİNG SE

Toydan qayıdan sərxoş sürücü qəza törədib

Bakıda toy məclisindən qayıdan sürücü qəza törədib.

Milli.Az-ın anspress-ə istinadən məlumatına görə, hadisə ötən axşam Binəqədi rayonu Cavadxan küçəsində qeydə alınıb. Hadisə zamanı sürücünün idarəetməsindən çıxan "Porsche" markalı nəqliyyat vasitəsi əvvəlcə yolun əks istiqamətinə keçib. Daha sonra isə avtomobil yol kənarındakı bardürlərə dəyərək dayanıb. Qəzadan sonra avtomobilin sürücüsü maşını hadisə yerində qoyaraq hadisə yerindən uzaqlaşıb. Hadisə yerinə Binəqədi Rayon Dövlət Yol Polis Şöbəsinin əməkdaşları cəlb olunub. Nəqliyyat vasitəsi hadisə yerinə çağırılan evakuator vasitəsi ilə hadisə yerindən götürülərək cərimə meydançasına aparılıb.

İlkin ehtimala görə, qəza sürücünün nəqliyyat vasitəsini yüksək sürətlə idarə etməsi səbəbindən qeydə alınıb. Hadisə şahidlərinin sözlərinə görə, "Porsche"nin sükanı arxasında oturan şəxs qəza zamanı sərxoş vəziyyətdə olub. Bu səbəbdən də o, yol polisləri hadisə yerinə gələnə qədər ərazidən yayınıb. Qəzanın hansı səbəbdən baş verməsi və sürücünün kimliyi isə Binəqədi Rayon Dövlət Yol Polisi Şöbəsində başlanan araşdırmalardan sonra məlum olacaq.

Milli.Az

Böyütmək üçün şəkillərə klikləyin.