Hadisə

Azərbaycanda mağaza kül oldu

3 Noyabr 2014 15:10
0 Şərh     Baxış: 1 042
VTB-də minimal faiz dərəcəsi ilə nağd kredit 9.9%-dən
#HADİSƏ #YANĞIN
Tovuzda satış mərkəzi içərisindəki ərzaq malları ilə birgə külə dönüb.

Milli.Az Kəpəz TV-yə istinadən bildirir ki, güclü yağış ötən gecə Tovuzda mağazanın alovlanmasına mane ola bilməyib. Satış mərkəzi içərisindəki ərzaq malları ilə birgə külə dönüb. Hadisə Tovuzun Yuxarı Öysüzlü kəndində Qədir Fərəcova məxsus marketdə baş verib. Zərərçəkənin sözlərinə görə, onlar mağazanı bağlayıb evə getdikdən sonra obyekt alovlanıb. Kənddə işıqlar söndüyündən yanğının elektrik naqillərində yaranan qısaqapanmadan törəməsi fərziyyəsi sıfıra enib.

Mağaza sahibi ona təxminən 22 min manatlıq ziyanın dəydiyini deyir. Hadisə yerinə yanğınsöndürənlər cəlb olunsa da ümumi sahəsi 55 kv.m olan qarışıq mallar mağazasının içərisindəki bütün mallar məhv olub.  Gecə saatlarında qeydə alınan yanğın hadisəsinin baş vermə səbəbləri aparılacaq araşdırmalardan sonra məlum olacaq.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.