Hadisə

Azərbaycanda torpaq sürüşməsi olub, şossedə hərəkət çətinləşib - FOTO

28 Oktyabr 2014 10:07

0 Şərh Baxış: 1 953

VTB-də minimal faiz dərəcəsi ilə nağd kredit 9.9%-dən

#POPULYAR XƏBƏRLƏR #AZERBAİJAN #FOTOREPORTAJLAR #HADİSƏ

Oktyabrın 25-dən davam edən güclü yağışlar nəticəsində Lənkəran-Lerik sosesində yenidən torpaq sürüşmələri baş verib.

APA-nın məlumatına görə, sürüşmə və torpaq uçqunları yolun əsasən 17, 43 və 49-cu kilometrliklərində qeydə alınıb. Nəticədə nəqliyyat vasitələrinin hərəkətində çətinliklər yaranıb.

Lerik rayon 43 saylı Yol İstismar İdarəsinin işçiləri və ağır texnikası gecə-gündüz əraziyə nəzarət edərək, yola tökülmüş gil, torpaq qatını təmizləməklə məşğul olublar. İdarənin rəisi Elxan Əliyevin APA-ya verdiyi məlumata görə, sözügedən ərazidə sürüşmələrə qarşı ilboyu tədbirlərin görülməsinə baxmayaraq, sürüşmələr stabilləşmir, əksinə, daha da aktivləşir. İdarə rəisi bunun başlıca səbəbini yay fəslinin quraqlıq, payızın isə yağmurlu keçməsi ilə əlaqələndirib.

Mövcud çətinliklərə baxmayaraq, Lənkəran-Lerik şosesi hazırda sürücülərin üzünə açıqdır.

Bununla belə, havaların yenidən yağmurlu keçəcəyi təqdirdə, yolda torpaq uçqunlarının və sürüşmələrin yenidən təkrarlanacağı qaçılmazdır.

Milli.Az

Böyütmək üçün şəkillərə klikləyin.