Hadisə

Şamaxıda maşın çökəkliyə aşdı - Ölənlər var

21 Avqust 2026 10:09

Baxış: 959

VTB-də minimal faiz dərəcəsi ilə nağd kredit 9.9%-dən

#YOL QƏZASI

Şamaxıda iki nəfərin ölümü ilə nəticələnən yol-nəqliyyat hadisəsi baş verib.

Milli.Az xəbər verir ki, hadisə avqustun 19-da baş verib.

Belə ki, Mətləb Aslanov idarə etdiyi "VAZ 21214" markalı avtomobillə Şamaxı-Çuxuryurd-Qızmeydan-Pirbəhli avtomobil yolunun Çuxuryurd kəndi ərazisində Qızmeydan istiqamətində hərəkətdə olarkən idarəetməni itirib.

Nəticədə avtomobil yolun sağ kənarındakı nahamar səthli çökəkliyə aşıb. Qəza zamanı avtomobildə olan sərnişin Şövkət Aslanova hadisə nəticəsində ölüb.

Sürücü Mətləb Aslanov isə yaralı vəziyyətdə Şamaxı Rayon Mərkəzi Xəstəxanasına yerləşdirilib. O, avqustun 20-də müalicə aldığı xəstəxanada həyatını itirib.

Faktla bağlı cinayət işi başlanıb, istintaq davam etdirilir.

Müəllif: Tural Hüseyn (Milli.Az redaktor)

Milli.Az - Xəbər Portalı

Azernews Newspaper

DİGƏR XƏBƏRLƏR

XƏBƏR LENTİ