Hadisə

Ağır QƏZA: 2 ölü, 2 yaralı var

19 Aprel 2026 10:21

Baxış: 1 294

VTB-də minimal faiz dərəcəsi ilə nağd kredit 9.9%-dən

#YOL QƏZASI

Füzulidə ağır yol-nəqliyyat hadisəsi baş verib, nəticədə 2 nəfər həyatını itirib, 2 nəfər isə yaralanıb.

Fövqəladə Hallar Nazirliyindən Milli.Az-a verilən xəbərə görə, hadisə rayonun Böyük Bəhmənli kəndi ərazisində qeydə alınıb. Hərəkətdə olan "Mercedes" markalı, 99-NX-578 dövlət qeydiyyat nişanlı avtomobil ilə "VAZ-2107" markalı, 01-CD-207 dövlət qeydiyyat nişanlı avtomobil toqquşub.

Qəza nəticəsində 1990-cı il təvəllüdlü Əli Vəliyev və 2000-ci il təvəllüdlü Mirqəşəm Talıbov hadisə yerində həyatını itiriblər.

Hadisə zamanı xəsarət alan 1995-ci il təvəllüdlü Süleyman Süleymanov və 2001-ci il təvəllüdlü Rəşad Namazəliyev müxtəlif dərəcəli bədən xəsarətləri ilə Füzuli Rayon Mərkəzi Xəstəxanasına çatdırılıblar.

Məlumata görə, qəzada həyatını itirən şəxslər hərbçi, yaralanan Rəşad Namazəliyev isə ANAMA əməkdaşıdır.

Faktla bağlı hüquq-mühafizə orqanları tərəfindən araşdırma aparılır.

Milli.Az