Hadisə

Naxçıvana düşən dronun üzərinə görün nə YAZILIB - FOTO

6 Mart 2026 10:50
Baxış: 6 648
VTB-də minimal faiz dərəcəsi ilə nağd kredit 9.9%-dən
#HADİSƏ #IRAN #NAXÇIVAN

Ötən gün İran tərəfindən Naxçıvan istiqamətində atılan pilotsuz uçuş aparatının (PUA) qalıqlarına dair görüntülər yayılıb.

Milli.Az Globalinfo.az-a istinadən xəbər verir ki, həmin görüntülərin yayılmasından sonra sosial şəbəkələrin Azərbaycan və İran seqmentlərində PUA-nın üzərində guya "İstehsalat Birliyi" ifadəsinin yazıldığı barədə iddialar səsləndirilib.

Bəzi istifadəçilər bundan yola çıxaraq dronun Azərbaycan istehsalı olması ilə bağlı əsassız versiyalar irəli sürməyə cəhd ediblər. Lakin yayılan görüntülərin təhlili göstərir ki, "İstehsalat Birliyi" ifadəsi PUA-nın üzərində deyil. Sözügedən yazı hadisə yerindən qalıqların çıxarılması məqsədilə istifadə olunan torbaların üzərində yazılıb.

Baku TV-nin təqdim etdiyi növbəti görüntülərdə də hadisə yerində üzərinə "İstehsalat Birliyi" yazılmış bir neçə torbanın olduğu diqqət çəkir.

Bununla yanaşı, ötən gün Naxçıvana atılan dronun İran istehsalı "Araş-2" PUA-sı olması artıq SEPAH mənbələri tərəfindən də təsdiqlənib.
Belə bir həssas məqamda sosial şəbəkələrdə yayılan bu cür absurd iddialara inanmamaq və onları tirajlamamaq zəruridir.

Milli.Az

BakuPostBakuPost
 
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.