Gürcüstan dövləti tərəfindən saxlanılan tanınmış azərbaycanlı iş adamı Şəmsi Səmədzadənin (Səmədoğlu) həbsinin detalları məlum olub.
Demokrat.az-ın əldə etdiyi məlumata görə, Şəmsi Səmədzadə və oğlu Niyazi Səmədzadə soydaşlarımızın kompakt yaşadığı Gürcüstan ərazisində gecə saatlarında 10 baş iribuynuzlu heyvanı oğurlayarkən ifşa edilib. Azərbaycanlı iş adamı və oğlu yaxın günlərdə Gürcüstan dövləti tərəfindən məhkəməyə çıxarılacaq.
------------
Tanınmış iş adamı Şəmsi Səmədzadə (Səmədoğlu) saxlanılıb.
Demokrat.az-ın əldə etdiyi məlumata görə, Şəmsi Səmədzadə Gürcüstan ərazisində saxlanılaraq, həbs olunub.
Azərbaycanlı iş adamı Gürcüstan dövləti tərəfindən mal-qara oğurluğunda ittiham olunur. Yaxın günlərdə onunla bağlı məhkəmə prosesi başlayacaq. Məlumatı Şəmsi Səmədzadənin ailəsi də Demokrat.az-a təsdiqləyib.
Xatırladaq ki, Şəmsi Səmədzadə müstəqilliyin ilk illərində Azərbaycanda tanınmış bir sahibkar olub. O, 2000-ci ildə, yəni 36 yaşında həbs edilərək, ömürlük cəzaya məhkum edilib. Şəmsi Səmədzadə Prezidentin əfv Sərəncamı ilə 2022-ci ildə azadlığa buraxılıb.
*******
Saat - 15.13
Tanınmış iş adamı Şəmsi Səmədzadə (Səmədoğlu) və oğlu barəsində Gürcüstanda axtarış elan edilib.
Demokrat.az-ın əldə etdiyi məlumata görə, Şəmsi Səmədzadənin adı Gürcüstan ərazisində mal-qara oğurluğunda çəkilir.
Xatırladaq ki, Şəmsi Səmədzadə müstəqilliyin ilk illərində Azərbaycanda tanınmış bir sahibkar olub. O, 2000-ci ildə, yəni 36 yaşında həbs edilərək, ömürlük cəzaya məhkum edilib.
Şəmsi Səmədzadə Prezidentin əfv Sərəncamı ilə 2022-ci ildə azadlığa buraxılıb.
Məsələ ilə bağlı Şəmsi Səmədzadə ilə əlaqə saxlamağa çalışsaq da, telefonuna zəng çatmayıb.
Milli.Az





