Hadisə

Heydər Əliyev prospektində baş verən zəncirvari qəzanın TƏFƏRRÜATI

29 Dekabr 2025 11:57

Baxış: 386

VTB-də minimal faiz dərəcəsi ilə nağd kredit 10.49%-dən

#HADİSƏ #YOL-NƏQLİYYAT HADİSƏSİ

Nərimanov rayonu, Heydər Əliyev prospektində baş verən yol-nəqliyyat hadisəsinin təfərrüatı məlum olub.

Milli.Az oxu.az-a istinadən xəbər verir ki, hadisə dekabrın 29-da, saat 00:07-də qeydə alınıb.

Belə ki, metronun "Koroğlu" stansiyası istiqamətində hərəkət edən avtomobil manevr qaydasını pozaraq kənar sağ zolaqla hərəkət edən avtomobilin qarşısına çıxıb. Toqquşma zamanı idarəetmədən çıxan avtomobil əsas yola çıxıb və nəticədə daha bir avtomobillə toqquşub. Hadisə zamanı xəsarət alanların olduğu bildirilir.

Məsələnin detalları araşdırılır.

xxx

"Nərimanov rayonu, Heydər Əliyev prospektində baş verən yol-nəqliyyat hadisəsi zamanı iki nəfər xəsarət alıb".

Milli.Az xəbər verir ki, bunu oxu.az-a açıqlamasında Bakı Şəhər Dövlət Yol Polisi İdarəsinin (BŞDYPİ) baş inspektoru Rüstəm Əhmədli deyib.

O qeyd edib ki, hadisə bu gün saat 00:07-də üç avtomobilin toqquşması nəticəsində baş verib.

"Belə ki, Əsgər Dağıstan oğlu Cabbarovun idarə etdiyi 77-QH-372 dövlət nömrə nişanlı BMW markalı avtomobil Daşqın Şəhvən oğlu Əliyevin idarə etdiyi 10-DT-100 dövlət nömrə nişanlı "Mercedes-Benz" markalı və Abbas Hüseyn oğlu Quliyevin idarə etdiyi 90-EY-457 dövlət nömrə nişanlı KIA markalı avtomobillərlə toqquşub. Hadisə nəticəsində iki nəfər - Daşqın Əliyev və Abbas Quliyev xəsarət alıblar. Faktla bağlı araşdırma aparılır", - deyə R. Əhmədli bildirib.

Milli.Az