Hadisə

Bakıda Çin maşını yandı - Sürücü içindən çıxa bilmədi

3 Dekabr 2025 09:24

Baxış: 1 324

VTB-də minimal faiz dərəcəsi ilə nağd kredit 9.9%-dən

#HADİSƏ

Bakı şəhəri, Qaradağ rayonu, Lökbatan qəsəbəsində minik avtomobilinin yanması ilə bağlı rəsmi məlumat verilib.

Milli.Az-ın məlumatına görə, Fövqəladə Hallar Nazirliyinin (FHN) Mətbuat Xidmətindən oxu.az-a bildirilib ki, nazirliyin "112" qaynar telefon xəttinə Bakı şəhəri, Qaradağ rayonu ərazisində, Binə-Sədərək yolunda avtomobilin yanması barədə məlumat daxil olub.

"Məlumatla əlaqədar dərhal FHN-in Dövlət Yanğından Mühafizə Xidmətinin qüvvələri əraziyə cəlb olunub. Yanğın yanğından mühafizə qüvvələri tərəfindən qısa müddətdə söndürülüb.

Yanğın nəticəsində "Dongfeng Aeolus E70" markalı minik avtomobilinin yanar hissələri yanıb. Avtomobildə sürücünün yanmış meyiti yanğınsöndürənlər tərəfindən aşkar olunaraq aidiyyəti üzrə təhvil verilib. Yol kənarındakı kommunikasiya xətləri yanğından mühafizə olunub", - deyə qurumdan bildirilib.

Milli.Az