Hadisə

Xəzər Boru Kəməri Konsorsiumunun infrastrukturuna hücüm olub

29 Noyabr 2025 13:30

Baxış: 212

VTB-də minimal faiz dərəcəsi ilə nağd kredit 10.49%-dən

#DÜNYADA #HADİSƏ

Bu gün Moskva vaxtı ilə saat 04:06-da Xəzər Boru Kəməri Konsorsiumunun (CPC) Dəniz Terminalının akvatoriyasında pilotsuz qayıqlar tərəfindən məqsədyönlü hücum həyata keçirilib.

Milli.Az xəbər verir ki, APA-nın məlumatına görə hücum nəticəsində CPC-nin VPU-2 körpü qurğusu ciddi zədələr alıb.

Novorossiysk dəniz limanının kapitanının göstərişi ilə yükləmə əməliyyatları və digər fəaliyyət dayandırılıb, tankerlər CPC akvatoriyasından kənara çıxarılıb. Xəbərdə vurğulanır ki, CPC işçiləri və podratçılar arasında xəsarət alan yoxdur.

"Partlayış anında VPU-nun qəza mühafizəsi sistemləri boru kəmərlərinin bağlanmasını təmin edib. İlkin məlumata görə, Qara dəniz akvatoriyasına neft sızması baş verməyib", - məlumatda qeyd olunur.

Milli.Az