Hadisə

Həyətindəki qazıntıdan narazı olan sakinə cavab - “O tikinti sökülməlidir” - VİDEO

29 Noyabr 2025 10:16

Baxış: 312

VTB-də minimal faiz dərəcəsi ilə nağd kredit 10.49%-dən

#HADİSƏ #VİDEO

Yasamal rayonu 2-ci Alatava ərazisində 95-ci ev ünvanında həyətdə su borusu partlayıb.

Milli.Az xəbər verir ki, bu barədə Rahidə Cəfərova "Qafqazinfo"ya müraciət edib.

Şikayətçi bildirib ki, hadisə o, işdə olarkən qeydə alınıb: "Mənə dedilər ki, həyətini su basıb. İşdən evə qaçaraq gəlib icra hakimiyyətinə və su idarəsinə zəng etdim. Gəldilər qazıb-tökdülər, beləcə də qoyub gediblər. Heç kim gəlmir. Oğlum əsgərdir, özüm də tək yaşayan qadınam. Evimə keçib bir stəkan çay içə bilmirəm".

Azərbaycan Dövlət Su Ehtiyatları Agentliyindən (ADSEA) saytımıza bildirilib ki, qeyd olunan yaşayış ünvanındakı tikililər qeyri-qanuni olaraq mühafizə zolağında tikilib: "Həyətdə yerləşən sanitar qovşağı isə diametri 500 mm olan magistral içməli su xəttinin üzərində tikilib. Həmin su xəttində qəza baş verdiyinə görə iki sukanal idarəsinin əməkdaşları tərəfindən ünvana baxış keçirilib və qəzanın aradan qaldırılması üçün sanitar qovşağın sökülməsi zərurəti yarandığı barədə evin sahibinə məlumat verilib.

Evin sahibi su xəttinin üzərində inşa etdiyi tikintinin sökülməsinə icazə verməyib və şərait yaratmayıb. Bu səbəbdən idarənin əməkdaşları məcburiyyət qarşısında qalaraq qonşudan icazə almalıdırlar ki, onun həyətində qazıntı işlərinə başlasınlar.

Qonşunun həyətindən qazaraq torpağın altı ilə keçib həmin qanunsuz tikilinin altında təmir-bərpa işləri aparacaqlar. Bunun üçün su təchizatı da dayandırılmalıdır. Həftəsonu olduğuna görə abonentlərin su təchizatını iki gün dayandırmamaq üçün qəzanın aradan qaldırılması və təmir-bərpa işləri növbəti həftənin ilk günlərində həyata keçiriləcək".

Milli.Az