Hadisə

Salyanda qəzada ölən vəzifəli şəxsin FOTOSU - YENİLƏNİB

28 Yanvar 2025 22:00

Baxış: 1 582

#YOL QƏZASI

22:00

Xəbər verdiyimiz kimi, bu gün Salyan rayonunda baş verən yol qəzasında vəzifəli şəxs dünyasını dəyişib.

Milli.Az-ın məlumatına görə, o, Biləsuvar rayon sakini, 1967-ci il təvəllüdlü Mübaşir Qurbanovdur.

Qeyd edək ki, mərhum Sabirabad Regional Meşə Təsərrüfatı Mərkəzinin Biləsuvar rayonu üzrə nümayəndəsi (meşəbəyi) olub. /"Unikal"

--------
20:01

Salyanda baş verən yol qəzasında ölənlərin şəxsiyyəti məlum olub.

Milli.Az bildirir ki, onlar rayonun Şorsulu kənd sakini Əhmədov Mustafa Allahyar oğlu və Biləsuvar sakini Mübaşir adlı şəxsdir. Hər ikisi meşə təsərrüfatının işçisidir.

Qəzada yaralanan Şorsulu kənd sakinləri, 1996-cı il təvəllüdlü Zeynalov Samid Eldəniz oğlu, 2009-cu il təvəllüdlü Quliyev Cəlal Ceyhun oğlu və digər hələlik şəxsiyyəti məlum olmayan bir nəfər Salyan Mərkəzi Rayon Xəstəxanasına yerləşdirilib.

Faktla bağlı araşdırma aparılır.

--------

19:34

Salyan rayonunun Boranıkənd ərazisində ağır yol-nəqliyyat hadisəsi baş verib.

Milli.Az bildirir ki, ilkin məlumata əsasən, iki avtomobilin toqquşması nəticəsində iki nəfər həlak olub, iki nəfər isə yaralanıb.

Hadisə yerində müvafiq qurumların əməkdaşları təhlükəsizlik tədbirləri görür və araşdırmalar aparılır.

Yaralıların vəziyyəti və qəzanın başvermə səbəbləri ilə bağlı əlavə məlumat veriləcəyi gözlənilir.

Milli.Az