Hadisə

2 nəfəri maşın vurub öldürdü

12 Oktyabr 2024 10:52

Baxış: 3 142

VTB-də minimal faiz dərəcəsi ilə nağd kredit 9.9%-dən

#YOL QƏZASI

Şəkidə yol qəzasında xəsarət alan kişi 4 gün sonra ölüb.

Milli.Az xəbər verir ki, oktyabrın 8-i saat 14 radələrində "Marxal Resort Spa" hotelində qrup rəhbəri işləyən 1996-cı il təvəllüdlü Afiq Hüseynov maşınla Kiş kəndi istiqamətində hərəkətdə olarkən piyadanı vurub. Ağır xəsarətlər alan Kiş kənd sakini, 1955-ci il təvəllüdlü Camal Xalıqov xəstəxanaya yerləşdirilib. Lakin o, bu gün saat 02:30-da xəstəxanada ölüb.

Oxşar hadisə dünən saat 22 radələrində Şəkinin Qoxmuq kəndində baş verib. Kənd sakini, 1996-cı il təvəllüdlü Salamzadə Ülvi Adil oğlu idarə etdiyi maşınla Şəki-Qax-Zaqatala avtomobil yolunun Qoxmuqdan keçən hissəsində yolu keçmək istəyən 2009-cu il təvəllüdlü Abdurahmanlı Asim Azər oğlunu vurub. O, Mingəçevir Şəhər Xəstəxanasına aparılarkən yolda ölüb.

Faktlarla bağlı Şəki ŞRPŞ-də cinayət işi başlanıb.

Milli.Az
Xəbərlərimizi WhatsApp kanalımızdan da oxuyun