Hadisə

Sükan arxasında yuxulaması ölümünə səbəb oldu - FOTOlar

20 Sentyabr 2024 17:20

Baxış: 1 824

VTB-də minimal faiz dərəcəsi ilə nağd kredit 9.9%-dən

#QƏZA

Bu gün saat 01 radələrində Bakı-Qazax avtomobil yolunun Hacıqabulun Padar qəsəbəsi ərazisindən keçən hissəsində ağır yol qəzası baş verib.

Milli.Az Baş DYP İdarəsinə istinadən xəbər verir ki, Mingəçevir sakini Rəsul Novruzovun idarə etdiyi "Mercedes" markalı nəqliyyat vasitəsi yol kənarında dayanan yük avtomobili ilə toqquşub.

İlkin ehtimalla sükan arxasında yuxulayan 22 yaşlı R.Novruzov aldığı xəsarətlərdən hadisə yerində həyatını itirib.

İdarədən bildirilib ki, yol qəzalarının acı nəticələri ilə bağlı dəfələrlə edilən xəbərdarlıqlara, aparılan maarifləndirmə tədbirlərinə baxmayaraq, hələ də sürücülərin yorğun, yuxusuz vəziyyətdə avtomobil idarə etməsi ciddi narahatlıq doğurur:

"Avtonəqliyyat vasitələrinin idarə olunmasında yol verilən bu kimi hallar təəssüf ki, növbəti dəfə insan həyatına son qoyub. Bir daha sürücülərə müraciət edərək onları yorğun, yuxusuz halda sükan arxasına əyləşməməyə, uzaq məsafə qət edərkən 2-3 saatlıq fasiləsiz hərəkətdən sonra dayanaraq qısa müddətə istirahət etməyə, bunun üçün DYP-nin stasionar postlarında yaradılmış şəraitdən yararlanmağa çağırırıq".

Milli.Az
Xəbərlərimizi WhatsApp kanalımızdan da oxuyun