Hadisə

Kişi azyaşlı övladını danlayan bacısını döydü - MƏHKƏMƏ

23 Aprel 2024 17:40

Baxış: 686

#HADİSƏ #MƏHKƏMƏ

Abşeron Rayon Məhkəməsində bacısını döyməkdə təqsirləndirilən Qamət Cəfərovun (şərti) cinayət işi üzrə məhkəmə istintaqı yekunlaşıb.

Milli.Az bildirir ki, pravda.az-ın əldə etdiyi məlumata görə, hakim Sevinc Quliyevanın sədrliyi ilə keçirilən prosesdə hökm oxunub.

Məhkəmənin hökmü ilə cinayət işinə xitam verilib və o, cinayət məsuliyyətindən azad edilib.

İttihama görə, hadisə 28 yanvar 2024-cü il tarixdə, saat 15:30-da Abşeron rayonu, Hökməli qəsəbəsində qeydə alınıb.

Belə ki, Qamət Cəfərov ailə üzvləri ilə birgə yaşadığı evdə bacısı, Nanə Cəfərova (şərti) ilə mübahisə edib. Mübahisəyə səbəb isə qadının nadinclik edən azyaşlı övladını danlaması olub. Qamət də buna görə bacısına irad bildirib. Nəticədə o, zərərçəkmiş şəxsin üzərinə hücum edib, qəsdən onun sifət, baş, ayaq və bədəninin müxtəlif nahiyələrinə yumruqla ardıcıl zərbələr vuraraq, bacısına yüngül xəsarət yetirib.

Milli.Az

Xəbərlərimizi WhatsApp kanalımızdan da oxuyun