Hadisə

Yanıq xəsarəti alan oğul ölüb, ata xəstəxanaya yerləşdirilib

28 Sentyabr 2022 23:55
Baxış: 1 073
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Göyçay rayonunda bir ailənin iki üzvü yanıq xəsarəti alıb, ölən var.

Milli.Az APA-ya istinadən bildirir ki, hadisə rayonun İnçə kəndində qeydə alınıb.

Kənd sakini, 1966-ci il təvəllüdlü Məcidov Sərvər Həmid oğlu və 1995-ci il təvəllüdlü Məcidov Cavid Sərvər oğlu yaşadıqları evdə yanıq xəsarəti alıblar.

Ata və oğlu təcili olaraq Göyçay Rayon Mərkəzi Xəstəxanasına yerləşdirilib.

Həkimlərin səyinə baxmayaraq bədəninin çox hissəsi yanmış olan Cavid Məcidov xəstəxanada dünyasını dəyişib.

Hadisənin hansı səbəbdən baş verdiyi dəqiq bilinmir.

Ot biçən qurğuya yanacaq tökərkən qəflətən yanğının baş verdiyi deyilsə də digər versiyanın intihar olduğu bildirilir.

Faktla bağlı Göyçay Rayon Prokurorluğu tərəfindən araşdırma aparılır.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.