Hadisə

Əşrəf Qasımov Türkiyəyə göndərilən amfibiya təyyarəsindən danışdı - FOTO

23 İyun 2022 16:54

Baxış: 1 667

VTB-də yüksək depozit faizleri daha çox qazandırır

#YANĞIN

Türkiyə Respublikasının Muğla bölgəsində hazırda meşə yanğınları davam edir. Yanğınların söndürlməsində iştirak etmək üçün birbaşa Azərbaycan Prezidenti İlham Əliyevin tapşırığına uyğun olaraq, Azərbaycan Fövqəladə Hallar Nazirliyinə məxsus "BE-200ÇS" amfibiya tipli təyyarəsi 10 nəfərlik heyətlə Türkiyə Respublikasının Muğla bölgəsinin Dalaman Hava Limanına yola düşür.

Milli.Az Trend-ə istinadən xəbər verir ki, bunu Heydər Əliyev adına Beynəlxalq Hava Limanında jurnalistlərə açıqlamasında Fövqəladə Hallar Nazirliyinin aviasiya xidmətinin rəisi, general-mayor Əşrəf Qasımov deyib.

O bildirib ki, təyyarəmiz bu gündən etibarən Türkiyədə baş verən yanğınların söndürülməsində iştirak edəcək: "Bildiyiniz kimi, ötən il də qardaş Türkiyədə baş verən yanğının söndürülməsində iştirak etmişik. Bu, yanğınların söndürülməsində çox effektiv təyyarədir. Suyun üzərində durmadan 18-20 dəqiqə ərzində 12 tona yaxın sugötürmə qabiliyyətinə malikdir".

Milli.Az