Texnologiya

"Google" şirkəti planeti xilas etməyin yolunu tapıb

13 Noyabr 2021 07:45
0 Şərh     Baxış: 1 465
VTB-də minimal faiz dərəcəsi ilə nağd kredit 9.9%-dən
#GOOGLE INC

"Google" şirkəti Earth Engine bulud platformasının kommersiya versiyasını açıqlayıb. Xidmət Yerin açıq mənbəli peyk şəkillərini və məlumatların təhlili proqramını təmin edib. Bu da böyük şirkətlərə təchizat zəncirinin ekoloji cəhətdən uyğunluğunu izləmək və iqlim dəyişikliyi ilə mübarizəyə töhfə vermək imkanı verəcək.

Milli.Az Trend-ə istinadən bildirir ki, platformanın demo versiyası "Google Cloud" servisində şəxsi istifadəçilər üçün əlçatan oldu. Məlumata əsasən, o, artıq Swiss Re sığorta şirkəti və sənaye nəhəngi "Unilever" şirkəti tərəfindən istifadə olunur. "Unilever" bu yolla 17 milyon hektar təsərrüfatlara nəzarət edir ki, onun məhsulları üçün palma yağı tropik meşələrin qeyri-qanuni ağac kəsilməsi nəticəsində əldə olunmamasına emin olsun.

Servisin kolleksiyasına hər gün 20 minə yaxın fayl daxil olur, onların arasında təkcə ərazinin peyk şəkilləri deyil, həm də torpağın tərkibi və su buxarlanmasına dair məlumatlar var. Toplanmış məlumatlar ekologiya təşkilatlarına meşələrin qırılmasını, su ehtiyatlarının vəziyyətini və nəsli kəsilməkdə olan növlərin yaşayış yerlərini demək olar ki, real vaxt rejimində izləməyə imkan verir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.