Texnologiya

Surface 3 planşetinin satışıları başladı

7 May 2015 21:20

0 Şərh Baxış: 1 815

VTB-də minimal faiz dərəcəsi ilə nağd kredit 9.9%-dən

#MİCROSOFT CORP

Microsoft şirkəti cari il martın sonunda nümayiş etdirdiyi Surface 3 planşetinin satışına başlayıb. ABŞ və doqquz başqa bazarda proqram nəhənginin yeni planşetini 499 dollara (2 QB əməli yaddaş, 64 QB daxili yaddaş) və ya 599 dollara (2 QB əməli yaddaş, 128 QB fləş yaddaş) satın almaq olar.

Milli.Az ICTnews-a istinadən bildirir ki, Surface 3 planşeti ABŞ-dan başqa, Avstraliya, Kanada, Honkonq, Koreya, Malayziya, Yeni Zelandiya, Sinqapur, Tailand və Tayvanda satılır. Bu gün bu siyahıya Avstriya, Belçika, Danimarka, Finlandiya, Fransa, Almaniya, İrlandiya, İtaliya, Lüksemburq, Niderland, Norveç, Portuqaliya, İspaniya, İsveç, İsveçrə və Böyük Britaniya əlavə ediləcək.

Yeni modelə Windows 8.1 əməliyyat sistemi və Intel Atom x7 çipi quraşdırılıb. Surface 3 planşeti dördnüvəli Intel Atom çipi, 2 QB əməli və 64 QB daxili yaddaşla təchiz olunub. Əsas kameranın təsvir ölçüsü 8 meqapiksel (avtofokus var), arxa kamera isə 2,5 mp (hər iki kamera Full HD formatında video çəkə bilir) təşkil edir. Yaddaş kartları üçün microUSB, mini-DisplayPort portları və microSD slotu var.

Korpusun qalınlığı 8,7 mm, çəkisi 622 qramdır.

Milli.Az