Texnologiya

Planşetə görə aviareyslər yubandı

30 Aprel 2015 23:05
0 Şərh     Baxış: 1 836
VTB-də minimal faiz dərəcəsi ilə nağd kredit 9.9%-dən
#BOEİNG CO #İPAD #AMR CORP #AMERİCAN AİRLİNES INC.
2011-ci ildə "American Airlines" aviaşirkəti pilotların istifadə etdiyi kağızların sayını azaltmaq məqsədilə təyyarələrdə "iPad" planşet kompüterini quraşdırmaqla bağlı qərar qəbul edib.

Milli.Az ICTnews-a istinadən bildirir ki, əvvəlcə planşetlər aviaşirkətin "Boeing 777", daha sonra digər tipli təyyarələrində tətbiq olunub. Bu həftə isə sistemdə uçuşların yubanmasına səbəb olan nasazlıq yaranıb. Təyyarələr hətta simsiz şəbəkəyə qoşulmaq üçün anqarlara qayıtmalı olub.

"American Airlines" pilotlara məxsus planşetlərin proqram əlavəsində problemin olmasını təsdiq etsə də, onun yaranmasına nəyin səbəb olmasını açıqlamayıb. Pilotların planşetlərində nasazlıq bütün təyyarələrdə deyil, bir neçə reysdə yaşanıb. Zərərçəkən təyyarələrin sayı açıqlanmır.

Dallas reysinin sərnişinlərindən biri deyib ki, "iPad"lərin qəfildən sönməsi hava gəmisinin əməkdaşları üçün tamamilə gözlənilməz olub. Pilotların əvvəllər belə problemlə rastlaşmaması onlarda çaşqınlığa səbəb olub. 

Hazırda insident araşdırılır. Nasazlığın əlavə və ya "iPad" ilə əlaqədar yaranması güman edilir. Problem nəticəsində aviaşirkətin reysləri qrafikdən xeyli geri qalıb. Yaxın vaxtlarda "American Airlines"ın hadisə ilə bağlı ətraflı məlumat verəcəyi gözlənilir.

Aviaşirkət nümayəndələri bildiriblər ki, problem müəyyən edilib, onun həlli yolu tapılıb və artıq gələcəkdə belə vəziyyətin yaranma riskinə yol verməmək üçün tədbirlər görülür.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.