Texnologiya

Microsoft ucuz noutbukları seçdi

31 Mart 2015 21:20
0 Şərh     Baxış: 1 858
VTB-də minimal faiz dərəcəsi ilə nağd kredit 9.9%-dən
#MİCROSOFT CORP #GOOGLE INC
Microsoft korporasiyası istehlakçılara 149 dollar dəyərində noutbuk təklif etməyi planlaşdırır. Başqa bir model təhsil müəssisələri üçün nəzərdə tutulacaq və dəyəri 179 dollar təşkil edəcək. Proqram nəhəngi bu modellərin köməyi ilə Google şirkətinin xrombukları ilə rəqabət aparmaq niyyətindədir.

Milli.Az ICTnews-a istinadən bildirir ki, hər iki noutbuk Intel Atom prosessorları ilə təchiz ediləcək. Nəşr qurğulara öncədən quraşdırılacaq Windows əməliyyat sisteminin versiyasını dəqiqləşdirməyib.

İstehlak bazarı üçün nəzərdə tutulmuş model təxminən 149 dollar dəyərində satışa çıxarılacaq. Təhsil müəssisələri üçün nəzərdə tutulmuş ikinci modelin dəyəri 179 dollar təşkil edəcək.

Birinci noutbuku masaüstü fərdi kompüter üçün öz komponentləri ilə dünyada məşhur olan Tayvanın Elitegroup Computer Systems (ECS) şirkəti istehsal edəcək.

İkinci noutbuk Çinin 3NOD Electronics şirkəti tərəfindən buraxılacaq. 3NOD şirkəti kompüter, avtomobil elektronikası, məişət elektrik cihazları və başqa qurğular hazırlayır.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.