Texnologiya

Office 16 gələn il buraxılacaq

30 Oktyabr 2014 22:48

0 Şərh Baxış: 921

VTB-də minimal faiz dərəcəsi ilə nağd kredit 9.9%-dən

#TEXNOLOGİYA

Microsoft korporasiyası 2015-ci ilin ikinci yarısında Office 16 ofis paketinin növbəti versiyasını buraxacaq. Bu haqda Microsoftun Office və Office 365 paketinin marketinqi üzrə baş meneceri Culiya Vayta istinadən ZDNet resursu yazıb.

Milli.Az ICTnews-a istinadən bildirir ki, Tech Ed Barcelona sərgisində Vayt deyib ki, Office 365 bulud versiyasının mövcudluğuna baxmayaraq, şirkət masaüstü versiyanın buraxılışına davam edəcək. Nəşr belə hesab edir ki, o vaxt artıq əlçatan olacaq Office 365 bulud versiyasının bütün yenilikləri Office 16 paketinə daxil ediləcək.

Mövcud Office 2013 masaüstü versiyası və Office 365 bulud versiyası arasında ödəniş modelində prinsipial fərq var. İstifadəçi avtonom versiya üçün bir dəfə ödəniş edir. Bulud versiya isə istifadəçiyə kirayəyə verilir və o, hər il onun haqqını ödəməlidir, amma fərdi computer və smartfonlar daxil olmaqla beş qurğuya quraşdıra bilər.

2015-ci ilin əvvəlində Apple kompüterləri üçün ofis paketinin yeni versiyası gözlənilir.

Milli.Az