Texnologiya

Eboladan çəkinib konfransı ləğv etdilər

29 Oktyabr 2014 22:48
1 Şərh     Baxış: 957
VTB-də minimal faiz dərəcəsi ilə nağd kredit 9.9%-dən
#MARAQLI
Internet Corporation for Assigned Names and Numbers (ICANN - internetdə domen adların və zonaların verilməsini həyata keçirən qeyri-kommersiya təşkilatı) korporasiyası fevralın 8-12-də Mərakeşdə keçiriləcək 52-ci konfransın ləğv edilməsi və onun qeyri-müəyyən müddətə təxirə salınması barədə qərar qəbul edib. Həmçinin konfransın başqa ölkədə keçirilməsi məsələsi müzakirə edilir.

Milli.Az ICTnews-a istinadən bildirir ki, buna səbəb Mərakeşin Ebola virusunun yayılması riski zonasında yerləşməsidir. Bunu nəzərə alan hökumət ölkə ərazisində çoxlu əcnəbinin iştirakı ilə tədbirlərin keçirilməsi əleyhinə çıxış edir. Öz növbəsində ICANN hazırda Mərakeşdə Ebola virusuna yoluxma halının qeydə alınmamasına baxmayaraq risk etməməyə üstünlük verərək konfransın keçirilməsi fikrindən daşınıb.

Bu, korporasiya tarixində fors-major səbəblərə görə ləğv edilən ikinci konfransdır. Bir neçə il əvvəl ICANN İordaniyada silahlı münaqişəyə görə konfransı ləğv edərək onun Sinqapurda keçirilməsinə qərar verib.
 

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.