Texnologiya

Kabellər akulalardan qorunacaq

18 Avqust 2014 19:39
0 Şərh     Baxış: 1 859
VTB-də minimal faiz dərəcəsi ilə nağd kredit 9.9%-dən
#TEXNOLOGİYA #COMMERZBANK AG
Google internet şirkəti Sakit okeanın dibindən keçən optik-lif kabellərini akulalardan qorumaq niyyətindədir. Bu barədə VentureBeat nəşri məlumat verib.

Məlumata görə, akulalar işləyən internet kabelləri ətrafındakı maqnit sahələrini potensial ovdan şüalanan sahələr kimi başa düşürək onları dişləməyə çalışırlar.

Google nümayəndəsi Den Belçerin sözlərinə görə, akulaların hücumu nəticəsində kabellərin zədələnməsinin qarşısını almaq üçün internet şirkəti onları Kevlar lifinin analoqu olan xüsusi möhkəm materialla sarıyacaq.

Milli.Az ICTnews-a istinadən bildirir ki, DuPont şirkəti Kevlar əmtəə nişanı ilə möhkəmliyinə görə poladı beş dəfə üstələyən və kabellərin möhkəmləndirilməsi üçün istifadə edilən lif istehsal edir.

Bundan əvvəl Google nümayəndələri bəyan ediblər ki, şirkət ABŞ və Yaponiya arasında Sakit okeanın dibi ilə optik-lif internet kabelinin çəkilişində iştirak edəcək. Global Transit, NEC, China Telecom Global, KDDI, China Mobile International və SingTel şirkətlərinin də iştirak edəcəyi FASTER layihəsinə yatırılacaq investisiyaların ümumi həcmi 300 milyon dollar təşkil edəcək.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.