Texnologiya

Wikipedia üçün 2,7 milyon məqalə yazdı

19 İyul 2014 19:39
0 Şərh     Baxış: 1 480
VTB-də minimal faiz dərəcəsi ilə nağd kredit 9.9%-dən
#TEXNOLOGİYA #WİKİMEDİA FOUNDATİON, INC.
İsveçli Sverker Yohansson Wikipedia elektron ensiklopediyası üçün 2,7 milyon məqalə yazıb. Bu sayda material ensiklopediyada yerləşdirilən məqalələrin 8,5 faizini təşkil edir.

Lakin S.Yohansson məqaləni əllə yazmayıb. Belə ki, o, materialların yaradılması üçün informasiyanı yoxlanılmış mənbələrdən təhlil edən və məqaləni əldə olunan məlumatlar əsasında tərtib edən Lsjbot proqramını hazırlayıb.

Milli.Az ICTnews-a istinadən bildirir ki, əksər hallarda Lsjbot proqramı nadir heyvanlar, o cümlədən böcək və kəpənəklər haqqında məqalələr yaradıb. Proqram vasitəsilə alim bəzən bir gündə ensiklopediya üçün 10 min məqalə yaza bilib.

Lakin S.Yohanssonun yanaşması kəskin tənqid olunub. Bu üsulun əleyhdarları bildirirlər ki, materialların bu üsulla yaradılması digər müəlliflərin yaradıcılığını sıxışdırır. Bundan başqa, əksər insanlar hesab edirlər ki, Lsjbot tərəfindən yaradılan məqalələrin keyfiyyəti insan tərəfindən yaradılan məqalələrin keyfiyyətindən geri qalır.

Həqiqətən Lsjbotun bəzi mətnlərində yalnız quru rəqəm və faktlar var və belə materiallar az maraq doğurur və pis oxunur.

Lakin S.Yohansson hesab edir ki, onun Wikipedia üçün materialların yazılması üsulunun yaşamaq hüququ var, çünki yaradıcılıq yanaşmasının olmamasına baxmayaraq etibarlı informasiyanın mövcudluğu əksər istifadəçilər üçün faydalı olacaq.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.