Texnologiya

Xbox One rekord vurur

23 Noyabr 2013 17:44
0 Şərh     Baxış: 1 442
VTB-də minimal faiz dərəcəsi ilə nağd kredit 9.9%-dən
#XBOX SERİES
"Microsoft" korporasiyası "Xbox One" oyun qurğusunun satışa çıxarılmasından sonra ötən sutka ərzində 1 milyondan çox bu konsoldan satıb.

Milli.Az ICTnews-a istinadən bildirir ki, noyabrın 22-də 13 ölkədə "Xbox One"ın satışlarına başlanılıb. Korporasiya nümayəndələri bildiriblər ki, konsolun ilk sutkada nümayiş etdirdiyi satış göstəriciləri istehsalçının tarixində rekord nəticə kimi qeydə alınıb.

Qeyd edək ki, noyabrın 15-də "Xbox One"ın əsas rəqibi hesab edilən "Sony" şirkətinin "PS4" oyun qurğusu satışa çıxarılıb. Yaponiya istehsalçısı "PS4"-ün ilk sutka ərzində satış həcmi barədə məlumat verərək təkcə Şimali Amerika ərazisində 1 milyondan çox belə qurğunun satılmasını açıqlayıb. ABŞ və Kanadada "Xbox One"ın qiyməti 500 dollar, "PS4"-ün 400 dollar təşkil edir.

Analitiklərin proqnozlarına görə, 2014-cü ildə konsollar üçün oyunlar seqmentində 49 milyard dollarlıq artım müşahidə olunacağı (2013-cü ildə 44 milyard) halda mobil qurğular üçün oyunlar seqmentinin həcmi 13 milyard dollardan 17 milyard dollaradək artacaq.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.