Texnologiya

İnterAz TV-nin xəbər portalı bu gündən fəaliyyətə başlayıb

18 Oktyabr 2013 14:47
Baxış: 848
VTB-də minimal faiz dərəcəsi ilə nağd kredit 10.49%-dən
İnterAz TV-nin yeni portalı fəaliyyətə başlayıb. Azərbaycanın Dövlət Müstəqilliyi Günü - oktyabrın 18-də istifadəyə verilən portalda ölkəmizin ictimai, siyasi, sosial və mədəni həyatında baş verən hadisələr, yeniliklər, regionda və dünyada gedən proseslərlə bağlı qaynar xəbərlər, analitik yazılar, müsahibə və reportajlar, maraqlı video və fotogörüntülər yayımlanacaq. Saytda dərc olunan materiallara yazılan oxucu şərhləri də əksini tapacaq.
Azərbaycanın sərhədlərindən kənardan - Rusiya ərazisindən yayımlanan ilk və yeganə azərbaycandilli telekanal olan İnterAz-ın rəsmi veb səhifəsi belədir: "www.interaztv.com"

Veb-sayt İnterAz TV-nin efirində gedən verilişləri, xəbər buraxılışlarını canlı izləmək, yayımlanacaq verilişlərin anonsları ilə tanış olmaq imkanı yaradacaq, fikir və təkliflər yazmaqda izləyicilərə yardımçı olacaq, telekanal haqqında, yayım əhatəsi, kollektiv barədə ətraflı məlumat verəcək.

Xatırladaq ki, İnterAz televiziyası Rusiyanın paytaxtı Moskvadan yayımlanır. Telekanal 75-ci dərəcədə yerləşən LMI-1 (ABS-1) peyki və Raduga TV operatoru vasitəsilə Rusiya, MDB və digər ölkələrə açıq yayım həyata keçirir. İnterAz kanalına, həmçinin KaTV-1, Connect, Ailə TV, BBTV və Smart (Gəncə) SNTV (SUMGAYIT) kabel şəbəkələrində baxmaq mümkündür. Telekanal "Azerspace" peyki vasitəsilə də yayıma başlayıb.
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.