Texnologiya

Windows 7 güclənir

2 Aprel 2015 22:10
0 Şərh     Baxış: 2 313
VTB-də minimal faiz dərəcəsi ilə nağd kredit 9.9%-dən
#TEXNOLOGİYA #MİCROSOFT CORP #WİNDOWS 7 | MİCROSOFT
Belə təxmin edilirdi ki, "Windows 10" əməliyyat sisteminin çıxarılması köhnə ƏS-nin populyarlığının azalması ilə nəticələnəcək. Ancaq hazırda bu tendensiya müşahidə olunmur.

Bundan başqa, ötən ay "Windows 7" ƏS-i, demək olar, dünyada mövcud olan və "Windows" ilə işləyən kompüterlərin 2/3-də quraşdırılıb. "NetMarketShare" xidməti yeni statistikasını təqdim edib.

Milli.Az ICTnews-a istinadən bildirir ki, 2015-ci ilin martına əsasən, "Microsoft"un ƏS-i ilə işləyən fərdi kompüter (FK) bazarında "Windows 7" platformasının bazar payı 63,7 faiz təşkil edib ki, bu da ötən illə müqayisədə 2,6 faiz yüksəkdir.

Bu halda "Windows 8/8.1" platformalarında durğunluq müşahidə olunur: ötən dörd ayda bu məhsulların bazar payı yalnız 0,6 faiz yüksələrək 15,4 faizə çatıb. Halbuki müvafiq dövrdə "Windows 7" platformasında 2,2 faizlik artım qeydə alınıb.

13 yanvar 2015-ci il tarixində "Microsoft" şirkəti "Windows 7" platformasının əsas ödənişsiz dəstəyini dayandırıb, ancaq o andan etibarən 2020-ci ilin əvvəlinədək davam edəcək genişləndirilmiş dəstək mərhələsi start götürüb.

"Windows" əməliyyatlar sisteminin payı 91,22 faiz təşkil edib. "Mac OS X" platformasının bazar payı 7,28 faiz təşkil edib ki, bu da 2014-cü ilin mayından ən böyük göstəricidir. "Linux" əməliyyat sistemi bazarının 1,5 faizinə nəzarət edir.

Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.