Texnologiya

Asus iki planşet göstərdi

6 İyun 2013 00:45
0 Şərh     Baxış: 1 587
VTB-də yüksək depozit faizleri daha çox qazandırır
#ASUSTEK COMPUTER INC
Milli.Az ICTnews-a istinadən bildirir ki, MeMO Pad HD 7 yığcam modeli 1280x800 nöqtə təsvir ölçülü 7 düymlü IPS ekran və dördnüvəli prosessorla təchiz edilib. Qurğu, həmçinin 1 QB əməli yaddaş, 8 və ya 16 QB fləş-yaddaş, microSD yaddaş kartları üçün slot, 5 meqapiksellik əsas kamera və ön paneldə 1,2 meqapiksellik kamera ilə təchiz edilib. Akkumulyatorun tutumu 10 saatlıq avtonom iş üçün kifayət edir.

Sözügedən aparatın qalınlığı 10,8 millimetr və çəkisi 302 qramdır. Ağ, qara, çəhrayı və yaşıl rəngli korpus əlçatandır. Cihaz satışa iyulda çıxarılacaq. 8 və 16 QB yaddaşla təchiz edilmiş modellərin qiyməti müvafiq olaraq 129 və 149 dollar təşkil edəcək. Asus MeMO Pad FHD 10 planşeti 1920x1200 nöqtə təsvir ölçülü 10 düymlük IPS displey, 1,6 QHs takt tezliyində işləyən Intel Atom Z2560 prosessoru, 16 və ya 32 QB fləş-yaddaş, microSD yaddaş kartları üçün slot, Wi-Fi 802.11a/b/g/n, GPS və GLONASS modulları, 5 meqapiksellik əsas və ön paneldə 1,2 meqapiksellik kamera ilə təchiz edilib.

Bu aparat, həmçinin avtonom rejimdə 10 saat işləməyə qadirdir. Onun qalınlığı 9,5 millimetr və çəkisi 580 qramdır. Qurğu sentyabrda satışa çıxarılacaq, lakin qiyməti hələ açıqlanmır.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.