Texnologiya

Əgər hələ də qalıbsa, bu 5 köhnə telefon sizə minlərlə dollar qazandıra bilər

9 Noyabr 2025 21:14

Baxış: 3 127

VTB-də minimal faiz dərəcəsi ilə nağd kredit 9.9%-dən

#DÜNYADA #MARAQLI #CƏMİYYƏT #TEXNOLOGİYA #MOBİL TELEFON #BAKI MARAFONU - 2016

Əgər hələ də sizdə köhnə telefon və digər retro cihazlar varsa, onları atmaqdan əvvəl bir daha düşünün. Bu cihazlar sizə minlərlə dollar qazandıra bilər.

Milli.Az bildirir ki, "MakeUseOf portalı kolleksiyaçılar tərəfindən yüksək qiymətləndirilən beş köhnə elektronika cihazını müəyyən edib.

Birinci nəsil iPhone
2007-ci ildə çıxan bu Apple smartfonu texnologiya tarixində inqilabi yenilik sayılır. ABŞ hərraclarında möhürlənmiş birinci nəsil iPhone-lar 40-50 min dollar, nadir 4GB modellər isə 130-190 min dollar arasında satılıb. Qutusu açılmamış və işləməyən cihazlar da kolleksiyaçılar üçün maraqlıdır.

Orijinal iPod Classic
2001-ci ildə buraxılan birinci nəsil iPod, 5 GB yaddaşa malik olub və təxminən 1000 mahnını saxlaya bilirdi. Yaxşı vəziyyətdə olan cihazlar 200-500 dollar arasında qiymətə malikdir, açılmamış iPod Touch modelləri isə 60 min dollara qədər satıla bilər.

Nintendo Game Boy
1989-cu ildə çıxan bu əl oyun konsolu indi gəlirli investisiya sayılır. Möhürlənmiş və sertifikatlaşdırılmış bir Game Boy 2022-ci ildə 21 min dollara hərracda satılıb. Nadirlik və vəziyyət qiymətdə əsas rol oynayır.

Sony Walkman TPS-L2
1979-cu ilin ilk Sony Walkman kaset pleyeri, o zaman 150 dollara satılıb. İndi işlək və tam dəstdə olan cihazlar 500-4000 dollar arasında qiymətləndirilir.

HP-01 Calculator Watch
1977-ci ildə çıxan HP-01 kalkulyator saatı qızıl və paslanmayan polad korpus variantlarına görə 450-850 dollar arasında satılıb. Bugünkü bazarda nadir qızıl modeli 5-7 min dollar aralığında qiymətləndirilir. Bu saat həm kalkulyator, həm saniyəölçən, həm də vaxt qurşaqlarını izləmə funksiyasına malik olub.

Beləliklə, bir vaxtlar sadəcə gündəlik istifadə üçün alınmış bu cihazlar indi kolleksiyaçılar üçün əsl sərvət hesab olunur./lent.az

Milli.Az