Texnologiya

"Süni intellektin insanlığı məhv etmə ehtimalı çox yüksəkdir"

2 Avqust 2025 23:45

Baxış: 2 282

VTB-də minimal faiz dərəcəsi ilə nağd kredit 9.9%-dən

#DÜNYADA #TEXNOLOGİYA #CHATGPT

Süni intellektin insanlıq üçün ölümcül təhlükəyə çevrilməsi ehtimalı çox yüksəkdir.

Milli.Az xəbər verir ki, bu barədə "Google" və "Microsoft" şirkətlərinin keçmiş mühəndisi, hazırda Maşın İntellekti Araşdırmaları İnstitutunun rəhbəri Neit Soares "The Times" nəşrinə müsahibəsində danışıb.

Soares bildirib ki, əgər süni intellektin hazırkı inkişaf tempi davam etsə, onun bəşəriyyəti məhv etmə ehtimalı azı 95 faiz təşkil edir. Onun sözlərinə görə insanlığın bu riski ciddi şəkildə dərk edib tədbir görməyə başlaması artıq gecikib.

"Əgər yaxın illərdə effektiv nəzarət mexanizmləri tətbiq olunmazsa, süni intellekt nəzarətdən çıxaraq insan irqi üçün fəlakətli nəticələrə səbəb ola bilər", - deyə mühəndis vurğulayıb.

Qeyd edək ki, bu cür xəbərdarlıqlar son illərdə getdikcə daha çox alim və texnologiya mütəxəssisi tərəfindən səsləndirilir. Elon Musk, Geoffrey Hinton və digər tanınmış adlar da süni intellektin potensial təhlükələri barədə oxşar narahatlıqlarını ifadə ediblər.

İsmayıl
Milli.Az