Texnologiya

"Telegram" yeni dövrə keçdi

28 İyul 2025 22:00
Baxış: 1 218
VTB-də minimal faiz dərəcəsi ilə nağd kredit 9.9%-dən
#TEXNOLOGİYA

Telegram messenceri istifadəçilərin şəxsiyyətini dəqiqləşdirmək üçün üz tanıma texnologiyasına əsaslanan rəsmi bot funksiyasını istifadəyə verib.

Milli.Az xəbər verir ki, bu yenilik yalnız Böyük Britaniya ərazisində aktivdir və orada qüvvəyə minmiş yeni qanunvericilik tələblərinə uyğun hazırlanıb. Yeni qaydalara əsasən, internet platformaları yetkinlik yaşına çatmayan şəxsləri zərərli və uyğun olmayan məzmundan qorumaq üçün daha ciddi tədbirlər görməyə borcludur.

Teleqramın təqdim etdiyi bu bot vasitəsilə istifadəçilər üzlərinin şəklini çəkərək sistemə təqdim edir və üz tanıma alqoritmləri ilə şəxsiyyətləri yoxlanılır. Ən vacib məqam isə ondan ibarətdir ki, istifadəçilərin göndərdiyi şəkillər və şəxsi məlumatlar yalnız istifadəçinin cihazında emal olunur, heç bir məlumat bulud sistemlərinə və ya xarici serverlərə ötürülmür.

Hazırda bu texnologiyanın yalnız test mərhələsində və Böyük Britaniya daxilində istifadəyə verilməsi planlaşdırılsa da, gələcəkdə başqa ölkələrdə də tətbiq olunacağı ehtimal edilir. Lakin istər istifadəçi təhlükəsizliyi, istərsə də məlumatların məxfiliyi baxımından Teleqramın bu addımı həm texnoloji, həm də etik cəhətdən diqqət mərkəzinə düşüb.

Qeyd edək ki, iyulun 25-dən etibarən Böyük Britaniyada yeni rəqəmsal təhlükəsizlik qaydaları qüvvəyə minib. Bu tələblər çərçivəsində platformalar azyaşlıları qorumaq üçün identifikasiya sistemlərini tətbiq etməyə başlayıb. Teleqram da bu çərçivədə öz texnoloji addımını atmış ilk platformalardan biridir. 

Asya
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.