Texnologiya

"Dünya" internetsiz qala bilər - Xəbərdarlıq edildi

14 Aprel 2025 14:51
Baxış: 2 057
VTB-də minimal faiz dərəcəsi ilə nağd kredit 9.9%-dən
#TEXNOLOGİYA #İNTERNET

Dünyanın aparıcı telekommunikasiya şirkətləri internetin qlobal miqyasda pozula biləcəyi barədə ciddi xəbərdarlıq ediblər.

Milli.Az xarici mediaya istinadla xəbər verir ki, şirkətlərin verdiyi açıqlamaya görə, Rusiya tərəfindən həyata keçirildiyi iddia edilən sualtı kabellərə təxribat aktları internet, enerji və maliyyə sistemləri də daxil olmaqla kritik infrastrukturlar üçün ciddi təhlükə yaradır.

Avropanın ən böyük telekommunikasiya şirkətləri - Telefónica, Vodafone, Orange və O2 - NATO-ya və digər beynəlxalq hərbi liderlərə açıq məktub ünvanlayaraq, dənizaltı kabellərin qorunması üçün əlaqələndirilmiş və gücləndirilmiş tədbirlərin görülməsini tələb ediblər.

Şirkətlərin birgə bəyanatında qeyd olunur ki, dənizaltı kabellərə vurulan zərərin nəticələri təkcə Avropanı deyil, bütün dünyada beynəlxalq rabitə, maliyyə əməliyyatları və xidmət şəbəkələrini təhlükə altına sala bilər. Ona görə də qabaqcıl texnologiyalara investisiya edilməli, ziyanların vaxtında aşkarlanması və qarşısının alınması üçün birgə monitorinq təşəbbüsləri gücləndirilməlidir.

Fidan
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.