Texnologiya

“Apple” kompüterlərində ciddi problem aşkarlandı

17 Mart 2024 10:24

Baxış: 1 840

VTB-də minimal faiz dərəcəsi ilə nağd kredit 9.9%-dən

#TEXNOLOGİYA #APPLE #KOMPÜTER

"MacOS" 14.4-cü versiyasına yeniləndikdən sonra bəzi "Mac" istifadəçiləri USB-hablarının kompüterlərinə qoşulduqda işləməməsindən şikayətləniblər. Çünki bu, siçan, klaviatura və monitor kimi periferik cihazların tanınmamasına səbəb olub.

Milli.Az oxu.az-a istinadən bildirir ki, texniki nasazlıq xüsusilə məhdud USB portları olan "Mac" istifadəçilərinə mane olub, çünki bir çoxları hab olmadan kompüterdən istifadəni demək olar ki, qeyri-mümkün hesab edirlər. Problem yalnız "MacOS" 14.4 olan bəzi istifadəçilərdə müşahidə olunur. Əməliyyat sisteminin əvvəlki versiyasında çalışan qurğular qüsursuz işləyir. Problem "MacBook Air"dən tutmuş flaqman "MacBook Pro"ya qədər geniş çeşiddə modellərə təsir göstərib.

Həmçinin qeyd edilib ki, periferik qurğuların özləri birbaşa "Mac" portlarına qoşulduqda işləməyə davam edir, USB-hablar vasitəsilə qoşulmaqdan imtina edirlər. Mütəxəssislər, istifadəçilər cihazla işləyərkən USB-hablardan istifadə edərlərsə, "MacOS" 14.4-ə yenilənmədən çəkinməyi tövsiyə edirlər.

Milli.Az

Xəbərlərimizi WhatsApp kanalımızdan da oxuyun