Texnologiya

Hər kəsin TTV kimi tanıdığı "Turkel" TV bu gün 2 yaşını qeyd edir

1 İyun 2012 18:31

0 Şərh Baxış: 1 932

VTB-də minimal faiz dərəcəsi ilə nağd kredit 10.49%-dən

#AZERBAİJAN

Milli.Az xəbər verir ki, Azərbaycanın ən iri regional yayımçılarından biri olan TTV hazırda
Azərbaycanın Qazax, Ağstafa, Tovuz, Şəmkir, Gədəbəy, Gəncə, Göygöl, Goranboy, Samux, Daşkəsən, Naftalan, Yevlax, Mingəçevir, Balakən, Zaqatala, Qax, Şəki, Oğuz, Qəbələ, Ağdaş, Ucar, Göyçay, Ağsu, Bərdə, Tərtər, Kürdəmir rayonlarında və Gürcüstanın Borçalı, Marneuli, Qardabani, Dmanisi ərazisində yayımlanır.

Telekanal 100-ə yaxın işçiyə və 3 milyonluq auditoriyaya malikdir. Televiziya müasir standartlara cavab verən texniki avadanlıqlarla təchiz olunub. Əvvəllər mədəniyyət yönümlü klassik bir televiziya kanalı olan TTV artıq 5 aydır ki, xəbər yayımçısı olaraq fəaliyyət göstərir. Gün ərzində tamaşaçılara ən son hadisələrlə dolu 15 xəbər buraxılışı təqdim olunur. TTV öz auditoriyasını nəinki regionda, həmçinin dünya gündəmində olan ən son xəbərlərlə təmin edir. Televiziyada yaradıcılıq işləri elə xəbərlərlə paralel aparılır.

TTV-nin Baş redaktoru Lalə Nurəddinqızı "Türkel" TV nin gənc kanal olmasına baxmayaraq qısa müddət ərzində çoxsaylı tamaşaçı auditoriyası qazandığını və burada savadlı və peşəkar kadrların hazırlandığını açıqladı: "www.turkeltv.az saytının yaradılmasını da televiziyamızın daha bir uğuru saymaq olar".

Saytın baş redaktoru Rahim İbrahimoğlu TTV-nin yenicə fəaliyyətə başlayan internet səhifəsinin demək olar ki, 24 saat operativ xəbər yaydığını bildirdi.

Baş redaktor həmçinin saytda televiziyanın bütün verlişləri haqda məlumatların, anonsların yerləşdirildiyini də söylədi. O, həmçinin qeyd etdi ki, www.turkeltv.az saytı vaistəsi ilə telekanalı ölkə xaricində də, fasiləsiz olaraq izləmək mümükündür. Bir sözlə, biz xəbərə rəng qatmırıq. Bu, təkcə ikiyaşlı "Türkel" TV-nin deyil, həm də bizim kollektivin şüarıdır. Xəbərə yaxın olmaq üçün bizə yaxın olun.

Milli.Az