KATV1 ilin kabel televiziyası elan olundu

Bakıda 8-ci beynəlxalq "Caspian Energy Integration Award - 2012" mükaftalarının təqdimat mərasimi keçirilmişdir. AG Telekom (KATV1 brendinin sahibi) şirkəti "İlin Kabel Operatoru Nominasiyasında" qalib elan olunmuşdur. Mukafat şirkətin mətbuat xidmətinin rəhbəri Pərvin Sadıqova təqdim olunmuşdur.

Mükafat hər il ölkə daxilndə və xaricində sosial və istehsalat sahəsində fəaliyyət göstərən ən fəal şirkət və təşkilatlara təqdim olunur. Həmçinin, mərasimdə Azərbaycan Respublikasının Rabitə və İnformasiya Texnoloqiyaları nazirinin müavini Elmir Vəlizadə, Azərbaycan Respublikasının Nazirlər kabinetinin sənaya və energetika şöbəsinin müdür muavini Şirin Şirinov və Azərbaycan respublikasında Macarıstan səfiri Jolt Çutor iştirak etmişdir.

"Caspian Energy Integration Award - 2012" mükafatı  Xəzər İnteqrasiya İşgüzar Klubu tərəfindən dünyanın 50  ölkəsində, Xəzər-Qara dənizi və Baltik dənizi regionlarında fəaliyyət göstərən 500  şirkətin top-menecerləri və orta səviyyə menecerləri ("Xəzər İnteqrasiya İşgüzar Klubunun üzvləri və Caspian Energy" beynəlxalq nəşriyyat evinin nəşrlərinin oxucu auditoriyası) arasında keçirilmiş sorğunun nəticələrinə görə, təqdim olunur.

Qeyd edək ki, KATV1 adı çəkilən mükafata artıq ikinci dəfə layıq görülür. Bundan əlavə 2006-cı ildən etibarən fəaliyyətə başlayan, "AG Telecom" MMC - "KATV1" Kabel Televiziyası 2007- ci ildə "Kabel televiziyasının inkişafına töhvəsinə görə "UĞUR 2006", 2009 - cu ildə Fransada "Ən Yaxşı Ticarət Markası üçün 35-ci Qızıl Mükafat", 2009-cu ildə "İlin Şirkəti" 2010-cu ildə isə "Kabel Televiziyası Sahəsinin Lideri" nominasiyasında "AZERİ BUSİNESS AWARD", həmçinin 2011-ci ildə Azərbaycanda İlin 1 nomrəli Brendi 2010 mükafatlarına layiq görülüb.

Bununla belə şirkətimiz üçün ən böyük mükafat abonentlərimizin etimadıdır.