Sağlamlıq

Koronavirusdan sağalanları 6 ay sonra gözləyən təhlükə - FOTO

23 Fevral 2021 11:12

Baxış: 6 891

#DÜNYADA #CƏMİYYƏT #SAĞLAMLIQ #QADIN #KİŞİ #KORONAVİRUS

Araşdırmalar göstərir ki, koronavirusdan tamamilə qurtulmaq mümkün deyil.

Milli.Az The Sun-a istinadla xəbər verir ki, aparılan araşdırmalara görə koronavirusdan tamamilə sağalanlar belə bir müddət sonra səhhəti ilə bağlı müəyyən problemlər yaşayırlar.

Virusun ilk dəfə yayıldığı deyilən Vuhanda aparılan araşdırmaların nəticəsində məlum olub ki, sağalaraq evə buraxılan 1655 nəfərdən 359-unun sonradan saçları sürətlə tökülməyə başlayıb.

The Lancet-in məlumatına görə, koronavirusdan sağalanlar bir neçə ay sonra saç tökülməsindən, yorğunluq və halsızlıqdan əziyyət çəkirlər, onlarda təngnəfəslik yaranır.

Məlumatda bildirilir ki, koronavirusdan sağalan hər 4 nəfərdən birinin saçları 5,6 ay sonra sürətlə tökülməyə başlayır. Koronavirusdan sağalan qadınlarda isə saç tökülməsi riski kişilərə nisbətən daha böyükdür.

Qeyd edək ki, ötən il tanınmış aktrisa Alyssa Milanoöz videosunu çəkərək koronavirusdan sağaldıqdan sonra saçlarının sürətlə töküldüyünü etiraf etmişdi.

Bəxtiyar Umarlı
Milli.Az