Sağlamlıq

Koronavirusa yoluxmuş insanın bədənində nələr baş verir?

14 Oktyabr 2020 22:15
Baxış: 1 769
VTB-də minimal faiz dərəcəsi ilə nağd kredit 9.9%-dən
#MARAQLI #SAĞLAMLIQ #KORONAVİRUS

SARS-CoV-2 virusunun koronavirusa yoluxmuş insanın hüceyrələrini dəyişdirmə, həmçinin müdafiə sistemlərini və protein sintezini söndürmə mexanizmi aşkar edilib. Bu, COVID-19 xəstələrində şiddətli simptomların inkişafına kömək edir.

Milli.Az medicina.az-a istinadən bildirir ki, bu barədə "Pasadena" Kaliforniya Texnologiya İnstitutunun (ABŞ) alimləri "Cell" jurnalında məqalə dərc ediblər.

Tədqiqatçılar koronavirus genomunun yaratdığı zülalların hər birinin insan bədəninin hüceyrələrindəki molekulyar komponentlərlə necə qarşılıqlı əlaqədə olduğunu araşdırıblar. Məlum olub ki, SARS-CoV-2 orqanizmdə zülalların sintezini pozaraq üç vacib hüceyrə prosesinə hücum edir.

Birincisi, virus, genetik məlumatları hüceyrə nüvəsindən zülalların sintez olunduğu ribosomlara ötürən molekul mRNT-nin (məlumat RNT-si) yetişməsinin disfunksiyasına səbəb olur.

İkincisi, ribosomların özlərini bloklayır.

Üçüncüsü, zülalların hüceyrə xaricinə daşınması sistemini pozur.

Bütün bunlar birlikdə hüceyrənin müdafiə sistemlərinin normal fəaliyyətinə mane olur. Bu vəziyyətdə hüceyrə ölmür və virus onu, həmçinin onun resurslarını özünün çoxalması üçün istifadə edə bilir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.