Sağlamlıq

Koronavirus beyinə necə yayılır? - ARAŞDIRMA

13 İyul 2020 07:55
Baxış: 1 427
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

İngilis alimləri koronavirus infeksiyasının xəstələrdə ağırlaşmalara, məsələn, deliriya, beyin iltihabı, insult və sinir zədələnmələrinə səbəb ola biləcəyini aşkar edib.

Milli.Az xəbər verir ki, mütəxəssislər "Brain" jurnalında yayımlanan elmi məqalədə xəstəliyin insan beyninə təhlükəsindən danışıb.

Tədqiqatlar zamanı alimlər yoluxan xəstələrdə kəskin yayılmış ensefalomielitin nadir və ölümcül vəziyyətini tapıb. Koronavirus olan bəzi xəstələrdə respirator əlamətlər olmayıb, lakin xəstəliyin əsas təzahürü nevroloji pozğunluqlar şəklində özünü göstərib. Alimlərin fikrincə, bu, 1918-ci il qrip pandemiyasından sonra keçən əsrin 20-30-cu illərində letargiya ensefalitin yayılmasına bənzəyir.

Həkimlər koronavirusa yoluxmuş 16 yaşdan 85 yaşa qədər 43 xəstənin nevroloji simptomlarını təhlil edərək 10 ensefalopatiya - müvəqqəti beyin disfunksiyası, beyin iltihabının 12, insultun 8, sinir zədələnməsinin 8 hadisəsini müəyyənləşdiriblər.

Eyni zamanda, elm adamları beyin-onurğa mayesində virus aşkar etməyib, bu o deməkdir ki, koronavirus beyinə birbaşa təsir edə bilməz. İnfeksiyanın səbəbi ilə nevroloji pozğunluqların inkişaf mexanizmi naməlum olaraq qalır. Lakin elm adamları güman edir ki, beyindəki fəsadların səbəbi immun sisteminin patogenə cavabıdır. (publika.az)

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.