Sağlamlıq

Səhiyyə Nazirliyi 8 yaşlı uşağın müalicəsi ilə bağlı edilən müraciətə aydınlıq gətirdi

14 Yanvar 2014 18:47

0 Şərh Baxış: 1 119

VTB-də minimal faiz dərəcəsi ilə nağd kredit 9.9%-dən

Bu günlərdə mətbuatda 8 yaşlı Şəhriyar Əliyevin müalicəsi üçün səhiyyə naziri Oqtay Şirəliyəvə müraciət ünvanlanması barədə mətbuatda informasiya yayılmışdı. Bunu araşdırmaq üçün Səhiyyə Nazirliyinin mətbuat xidməti ilə əlaqə saxladıq.

Mətbuat xidmətindən Trend-ə bildirdilər ki, balaca Şəhriyarın valideynləri 2011 və 2012-ci ildə Səhiyyə Nazirliyinə yalnız xaricdə müalicə üçün müraciət etmişdilər. 2011-ci ildə Ş.Əliyev Elmi Tədqiqat Hematologiya və Transfuziologiya İnstitutuna göndərilmişdi.

Aparılan laborator müayinələr zamanı uşağa çox nadir xəstəliklərdən olan Niman-Pik xəstəliyi diaqnozu qoyulub. Dünya ədəbiyyatına əsaslanaraq bu xəstəliyin dünyanın heç bir yerində spesifik müalicəsi olmadığı üçün uşağa simtomatik müalicə təyin edilib və qeydiyyata götürülüb. Lakin uşağın anası müalicədən imtina edib.

Numan-Pik xəstəliyi (toplanma xəstəliyi) çox nadir müşahidə olunan genetik xəstəlikdir və lipid mübadiləsinin pozulması ilə xarakterizə olunur. Rəsmi məlumatlara əsasən, bütün dünyada bu xəstəlikdən cəmi 500 nəfər əziyyət çəkir və yuxarıda da qeyd etdiyimiz kimi, dünyanın heç bir yerində bu xəstəliyin müalicəsi yoxdur. Sfinqomielinaza fermentinin defisiti nəticəsində hüceyrələrdə sfinqolipidlərin toplanması müşahidə olunur və çox vaxt korluğa, karlığa, ölümə gətirib çıxarır.

Bakı şəhəri Baş Səhiyyə İdarəsinin pediatriya üzrə inspektoru R.Sultanova da məsələ ilə bağlı Ş.Əliyevin evində olub və anasına orqanizmi dəstəkləyən simptomatik müalicə üsulundan yaralanmağı məsləhət görüb.

Milli.Az