Sağlamlıq

Qadınlarda daha çox rast gəlinir, neyronları məhv edir

6 Yanvar 2026 04:04
Baxış: 1 851
VTB-də minimal faiz dərəcəsi ilə nağd kredit 9.9%-dən
#SAĞLAMLIQ #QADIN

Altsheymer xəstəliyinin qadınlarda daha çox rast gəlinməsinin səbəbləri açıqlanıb.

Milli.Az xəbər verir ki, qadınlarda Altsheymer xəstəliyinin daha tez inkişaf etməsinin səbəbi beyin immun hüceyrələrinin neyronlara daha güclü təsir etməsidir.

Rokester Universitetinin tədqiqatçıları beynin immun hüceyrələri olan mikroqlianın qadınlarda amiloid lövhələrinə qarşı daha aktiv reaksiya verdiyini müəyyən ediblər. Bu hüceyrələr lövhələri təmizləməyə çalışarkən iltihabi prosesləri də işə sala bilir və neyronlar arasındakı əlaqələrin zədələnməsinə səbəb olur.

Araşdırmanın nəticələri "Journal of Neuroinflammation" jurnalında dərc edilib.

Tədqiqat göstərib ki, qadın siçanlarda mikroqlia interferon genlərini daha güclü aktivləşdirir Bu molekullar adətən viruslara qarşı müdafiədə iştirak edir Lakin beyində artıq aktivləşməsi iltihabı artırır və sinapsların zədələnməsinə gətirib çıxarır.

Bundan əlavə, qadınlarda mikroqlia amiloid lövhələrini daha iri və nizamsız formada saxlayır ki, bu da neyron əlaqələrinə daha çox ziyan vurur Alimlər bildiriblər ki, bu proses hormon dəyişiklikləri ilə bağlı deyil, daha dərin cinsi fərqlilikləri göstərir.

İsmayıl
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.