Sağlamlıq

Bu xəstəliklər kişiləri gücdən salır

15 Noyabr 2025 07:08

Baxış: 498

VTB-də yüksək depozit faizleri daha çox qazandırır

#SAĞLAMLIQ #KİŞİ

ABŞ-lı uroloq Castin Hauman kişilərdə erektil disfunksiyanın əsas səbəblərini açıqlayıb.

Milli.Az xəbər verir ki, bu barədə "New York Post" yazır.

Həkimin fikrincə bu problem tək bir orqanın deyil, bütün sistemin pozulması nəticəsində yaranır. Ereksiya üçün beynin siqnalları, qan damarlarının fəaliyyəti, sinir ötürülməsi, əzələ toxuması və hormonal tarazlıq birlikdə işləməlidir. Bu zəncirin istənilən halqasında yaranan nasazlıq impotensiyaya gətirib çıxara bilər.

Həkim ilk olaraq diabeti misal göstərib. O vurğulayıb ki, şəkərli diabet sinirlərə və ereksiya üçün həyati əhəmiyyət daşıyan qan damarlarına zərər verir. Bu səbəbdən diabet kişilərdə erektil problemlərin ən geniş yayılmış amillərindən biridir.

Hauman əlavə edib ki, bəzi dərmanlar da ereksiyanı zəiflədə bilər. Xüsusən də təzyiqsalıcı preparatlar, antidepresanlar və kimyaterapiya dərmanları risk yaradır. Kiçik çanaq orqanlarında aparılan cərrahi əməliyyatlar da eyni şəkildə sinir və damar sisteminə təsir göstərərək problemin yaranmasına səbəb ola bilər.

Bundan başqa, həkim qeyd edib ki, artıq çəki, yuxu apnoesi, xroniki böyrək və qaraciyər xəstəlikləri, eləcə də siqaret istifadəsi erektil disfunksiyanın inkişaf ehtimalını ciddi şəkildə artırır. Həkimin sözlərinə görə, risk faktorlarının çoxu həyat tərzi ilə bağlı olduğundan vaxtında profilaktika aparmaq mümkündür.

İsmayıl
Milli.Az