Sağlamlıq

Şirin olsa da, başdan ayağa "zəhər"dir

26 Oktyabr 2025 23:34
Baxış: 1 169
VTB-də minimal faiz dərəcəsi ilə nağd kredit 9.9%-dən
#SAĞLAMLIQ #HƏKİM #AÇIQLAMA #SAĞLAM QİDA

Dişlər üçün ən zərərli şirniyyat çubuqlu konfetlərdir.

Milli.Az xəbər verir ki, bunu stomatoloq Viktoriya Radko deyib. Onun sözlərinə görə, bu tip konfetlər mina təbəqəsini dağıdır, kariyes riskini artırır və tez-tez istehlak edildikdə uşaqlarda diş düzülüşünə də təsir göstərə bilər.

Radko izah edib ki, çubuqlu konfetlər ağızda uzun müddət qalır və dişləri "şəkər banyosunda" saxlayır. Şokolad və ya marshmallow kimi məhsullardan fərqli olaraq, konfet 10-15 dəqiqə ərzində mina ilə təmasda qalır, bu müddət ərzində ağız turşuluğu yüksəlir, bakteriyalar aktivləşir və diş toxumaları zədələnir.

Həkim əlavə edib ki, şirniyyatdan tamamilə imtina etmək lazım deyil. Alternativ olaraq, dişlərə zərər verməyən, məsələn, ksilitol ilə hazırlanmış konfet və saqqızlar seçilə bilər. Ksilitol kariyesi törətmir və yüngül antibakterial təsir göstərir.

Radko həmçinin tövsiyə edib ki, şirniyyat əsas yeməkdən sonra yeyilsin, gün ərzində ara yemək kimi deyil. Bundan sonra ağız su və ya şəkərsiz içkilə yaxalanarsa, turşuluq azalır və şəkər qalıqları dişlərdən təmizlənir.

İsmayıl
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.