Sağlamlıq

Bu formada yatmaq onurğanın "evini yıxır" - Açıqlama

16 Oktyabr 2025 05:05
Baxış: 1 438
VTB-də minimal faiz dərəcəsi ilə nağd kredit 9.9%-dən
#SAĞLAMLIQ

Braziliyalı ortoped cərrah Daniel Oliveyra insanların üzüüstə yatmaq vərdişindən imtina etməsini tövsiyə edib.

Milli.Az bildirir ki, onun sözlərinə görə bu vəziyyətdə yatmaq boyun və bel ağrılarına səbəb ola bilər.

Mütəxəssis bildirib ki, üzüüstə yatarkən boyun daim burulmuş vəziyyətdə qalır, bu isə boyun fəqərələrinə həddindən artıq gərginlik yaradır. Nəticədə ağrılar, hərəkət məhdudluğu və sinir sıxılması müşahidə oluna bilər.

"Bu vəziyyət həmçinin belin aşağı hissəsinə yük salır, oyanarkən əl barmaqlarında keyimə, səhər ümumi halsızlıq və narahatlıq hissinin yaranmasına səbəb olur," - deyə cərrah vurğulayıb.

Həkimin sözlərinə görə üzüüstə yatmaq həmçinin nəfəs almanı çətinləşdirir və daxili orqanlara təzyiqi artırır. Bu yuxu pozası xüsusilə bel yırtığı, oynaq artrozu, tənəffüs və qan dövranı problemləri olan insanlar üçün təhlükəlidir.

Oliveyra qeyd edib ki, arxasıüstə və ya yan yatmaq həm hamilə qadınlara, həm də əməliyyatdan sonra bərpa dövründə olanlara daha uyğundur.

"Yuxu pozası onurğa sağlamlığına birbaşa təsir göstərir. Hətta kiçik dəyişikliklər belə ağrıların və zədələrin qarşısını almaqda böyük rol oynaya bilər," - deyə həkim əlavə edib.

İsmayıl
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.