Bu idman növü bədənə xeyirdən çox zərər verir - Açıqlama

Peşəkar idman çox zaman orqanizmə xeyirdən çox zərər verir.

Milli.Az xəbər verir ki, bunu rusiyalı həkim, ortoped və travmatoloq Pavel Semiçenkov  açıqlamasında bildirib.

Bir çox insanlar sağlam həyat tərzi və düzgün qidalanma anlayışlarını səhv başa düşür və nəticədə bu vərdişlər sağlamlığa fayda əvəzinə zərər verə bilər.

"Bəzi insanlar sağlam həyat tərzi adı altında özlərini sərt məhdudiyyətlərə salır, bu isə orqanizm üçün sağlam deyil. "Əksər insanlar hesab edir ki, sağlam həyat tərzi  idman deməkdir. Lakin bu, mifdir. Peşəkar idman çox zaman orqanizmə xeyirdən çox zərər verir," - deyə Semiçenkov qeyd edib.

O, xüsusilə qaçışın bu baxımdan ən çox yanlış başa düşülən fəaliyyətlərdən biri olduğunu bildirib: "Qaçış zamanı oynaqlara, dabanlara və onurğaya yük çoxalır. Düzgün texnika və uyğun ayaqqabı olmadan qaçış yalnız zərər gətirir."

Səhhətində problem yaranmaması üçün həkim insanlara idmana başlamazdan əvvəl mütəxəssislə məsləhətləşməyi və düzgün texnikanı öyrənməyi tövsiyə edib.

Ekspert həmçinin "düzgün qidalanma" anlayışının da tez-tez yanlış təfsir olunduğunu deyib:

"Bir çoxları bu adı altında kəskin məhdudlaşdırıcı pəhrizlər saxlayır - məsələn, keto, vegan və ya çiy qidalanma. Bu cür pəhrizlər orqanizmdə vacib amin turşularının, vitaminlərin çatışmazlığına, anemiyaya və əzələ zəifləməsinə səbəb ola bilər."

Semyçenkov bildirib ki, sağlam qidalanmanın əsas prinsipi balansdır: qida rasionu kalori, zülal, yağ, karbohidrat, vitamin və mikroelement baxımından tarazlı olmalı, təbii və az əlavəli məhsullardan ibarət olmalıdır.

"Ən əsası, ifrata varmaq olmaz. Sağlam qalmaq üçün bədənə yüklənmədən, sistemli şəkildə idman etmək, balanslı qidalanmaq və düzgün istirahət rejiminə əməl etmək lazımdır," - deyə həkim fikrini yekunlaşdırıb.

İsmayıl
Milli.Az